PATAY ang labing-isa katao habang pitumpu’t lima ang sugatan sa pagbagsak ng elevator sa South Africa.
Ayon sa mga otoridad, nangyari ang aksidente sa Impala Platinum o Implats sa Rustenburg Mine sa hilagang bahagi ng Johannesburg.
Bumagsak ang elevator dalawandaang metro ang lalim mula sa kinalalagyan nito.
Nagpahayag naman ng pakikiramay si Implats Chief Executive Officer Nico Mauller sa mga pamilya ng mga biktima.
Sa ngayon, inaalam pa ng mga otoridad ang dahilan ng pagbagsak ng naturang elevator.
