NAGLULUKSA ang volleyball community sa bansa sa biglaang pagpanaw ng rising athlete ng Alas Pilipinas Men, na si Ike Andrew Barilea.
Sa anunsyo ng national team, binawian ng buhay ang bente uno anyos na atleta, sa hindi tinukoy na dahilan.
ALSO READ:
Sa Facebook post ng alas Pilipinas, nagpaabot ang team ng simpatya at pasasalamat sa batang spiker na kamakailan lamang ay nagdiwang ng kanyang kaarawan.
Si Barilea, na tubong Visayas, ay kasama sa pool ng Alas Pilipinas para sa 2025 FIVB Men’s World Championship sa ilalim ni Coach Angiolino Frigoni.
Naglaro rin siya para sa Alas Pilipinas-Cignal sa AVC Men’s Volleyball Champions League at sa 1 Silay Volleyball Club sa PNVF U21 National Championships.




