PINATAWAN ng 90-araw na suspensyon ng Land Transportation Office o LTO ang driver’s license ng isang tsuper ng bus na nakuhanan ng video na naglalaro ng onlinde sugal sa kaniyang cellphone habang nagmamaneho.
Ayon kay LTO Acting Assistant Secretary Atty. Greg G. Pua, Jr. inisyuhan din ng Show Cause Order ang driver ng Kersteen Joyce Transport Bus at inatasan itong magpaliwanag.
Sinabi ni Pua na dahil sa pagka-adik sa Online Gambling ng driver ay nalagay sa alanganin ang kaligtasan ng mga pasahero ng bus.
Sa video na kuha ng isang pasahero, kitang naglalaro ang driver sa cellphone niya habang bumibiyahe ng bus na may rutang Silang-Dasma sa Cavite.
Nahaharap ang driver sa reklamong paglabag sa Reckless Driving at Anti-Distracted Driving Act.
