Libreng Tacloban-Eastern Samar RORO Trip, ilulunsad ng Office of Civil Defense

MAGLULUNSAD ang Office of Civil Defense (OCD) ng Libreng Biyahe ng Roll-On, Roll-Off (RORO) sa pagitan ng Tacloban at Eastern Samar, para sa mga cargo truck na may kargang essential at perishable products sa gitna ng Load Restrictions sa San Juanico Bridge.

Sinabi ni OCD Eastern Visayas Regional Director Lord Byron Torrecarion na ang Libreng RORO Trip sa pagitan ng Tacloban City at Guiuan sa Eastern Samar ay karagdagang sa umiiral na Libreng Biyahe sa pagitan ng Regional Capital at Basey sa Samar.

Aniya, sa kabila ng Free RORO Trip sa pagitan ng Tacloban at Amendayehan Port sa Basey ay mayroon pa ring pagtaas ng presyo sa ilang bahagi ng Eastern Samar.