Mas nga nagigin episyente an transakiyon san mga Local Government Units o LGUs sa Eastern Visayas pinaagi san ira pag-implementar san E-LGU, usa nga electronic transaction ginmugna san Department of Information and Communication Technology.
Sumala kan Engr. Dante P. Rosales, OIC Technical Operations san DICT Region VIII durante san Kapihan sa Bagong Pilipinas ginbuhat san Martes nga adlaw, nga mas nagpapadarudagmit an proseso san e-LGU an pagkuha san magkaduru-dilain nga permits o dokumento nga ginkikinahanglan san mha molopyo ngan nalilikyan pa an red tape pinaagi hini nga electronic transaction.
Ha talaan san DICT yana nga tuig, may ad ana 00 nga LGUs an nagamit san eLGU VI Business Permit with Barangay Clearance, 20 nga LGUs para san Building Permit ngan Certificate of Occupancy, samtang duha naman nga LGU para san Working Permit Version 1 dinhi sa rehiyon.
Ginhihingita san DICT nga kun mas pahugtan pa an wifi connectivity ngan mas paupayon pa an digital capacity san kada tagsa nga LGU, mas damu pa san mga ini ang mag-iimplementar para san mas masayon ngan episyente nga electronic transaction ngan iba pa nga serbisyo. Ini nga programa in kaparte san larang san national government “Bayang Digital ang Bagong Pilipinas”, agud mas magin digitally updated ngan diri nababayaan an nasud sa larangan san digitalization.
