BINISITA ni Calbayog City Mayor Raymund “Monmon” Uy ang LGU Hydration Center para sa mga pasyenteng mayroong dengue sa Calbayog City Sports Center, na isang mahalagang source ng mga residenteng nakararanas ng mild fever sa gitna ng dengue outbreak.
Ang center na ino-operate ng Calbayog City Health Office ay bukas dalawampu’t apat na oras kada araw, at nagbibigay ng mabilis na access sa medical care at support.
Ang Hydration Center ay nag-a-alok ng komprehensibong laboratory testing, kabilang na ang CBC at Rapid Diagnostic Testing, upang matiyak ang agarang diagnosis at treatment sa dengue.
Pinapurihan ni Mayor Mon ang mga nagpapatakbo sa LGU Hydration Center, at kinilala ang mahalagang papel nito sa pagtulong sa komunidad upang malabanan ang dengue outbreak.
