BINANGGA at binomba ng tubig ng China Coast Guard (CCG) Vessels ang BRP Datu Sanday ng Bureau of Fisheries and Aquatic Resources (BFAR) malapit sa Escoda Shoal.
Sa video, dalawang CCG Ships ang makikitang bumubuntot at binangga ang BRP Datu Sanday bago dumistansya.
Ang isa pang CCG Vessel ay ginamitan naman ng water cannon ang barko ng Pilipinas.
Mayroon ding makikita sa video na paparating na Chinese Militia Vessel.
Ayon sa report, limang beses na binangga ng CCG Vessel ang BRP Sanday at tinarget ng water cannon ang bubong ng barko kung saan matatagpuan ang navigational equipment.
