INARESTO ng mga awtoridad ang kwarenta’y uno anyos na lalaki matapos gawing hostage ang dalawang taong gulang na anak na babae ng kanyang kaibigan, sa Barangay Pasong Tamo, sa Quezon City.
Armado ng kutsilyo ang suspek nang tangayin nito ang batang babae palayo sa mga magulang nito.
Matapos bitbitin ang biktima ay sumakay ang suspek ng jeep na minamaneho ng lolo ng bata.
Nakasakay din ang nanay ng biktima, gayundin ang asawa ng suspek.
Na-korner at dinakip ng mga pulis ang lalaki sa kanto ng Quezon Avenue at Elliptical Road matapos itong kuyugin ng mga galit na residente.
