ITATAYO sa isla ng Capul sa Northern Samar ang kauna-unahang generation plant sa Southeast Asia para sa Ocean Tidal Water.
Ayon sa Northern Samar Provincial Government, nakitang viable source ng tidal energy ang naturang lugar sa kahabaan ng San Bernardino Strait na kilala sa malakas na ocean currents.
Sinasabing ang tidal energy ay mas reliable, sustainable, at cost-competitive alternative para sa power generation.
Pinapurihan naman ni Governor Edwin Ongchuan ang pinakabagong development sa lalawigan, sa pagsasabing hindi lamang pag-generate ng alternative at sustainable energy ang maitutulong ng tidal energy project sa Northern Samar, kundi magbubukas din ito ng livelihood at investment opportunities sa mga Nortehanon.
