INATASAN ni Transportation Secretary Vince Dizon ang Land Transportation Franchising and Regulatory Board (LTFRB) na sampahan ng reklamong Kriminal ang konduktor ng bus na umano’y nanguryente ng Person with Disability (PWD) na pasahero gamit ang taser.
Una nang sinuspinde ang lisensya ng driver ng bus ng siyamnapung araw kasunod ng naturang insidente.
Paliwanag ni Dizon, responsibilidad ng driver na tiyakan ang kaligtasan ng kanyang mga pasahero.
Idinagdag ng kalihim na batay sa imbestigasyon, mismong konduktor ang nag-taser sa PWD, kaya bukod sa suspensyon ay kakasuhan din ito ng Kriminal.
