TILA hindi apektado ang aktres na si Kim Rodriguez sa tsismis na nagli-link sa kanya kay Re-elected Bulacan Gov. Daniel Fernando.
Ito’y matapos sagutin ni Kim ang mga komento ng netizens nang magaan at may kahalong pagbibiro.
Inulan ng mga komento ang Tiktok page ng aktres dahil sa hinalang may relasyon sila ng gobernador matapos kumalat ang litrato nila na magkasama at naka-pose sa harap ng isang luxury car at may hawak pang mga bulaklak si Kim.
Sa isa sa kanyang videos, idinaan nalang ng trenta anyos na aktres ang saloobin sa pag-lip-sync ng kanta ni Leona Lewis na “Bleeding Love.”
Samantala, isang netizen naman ang ipinagtanggol si Kim at sinabing wala namang masama kung may relasyon ang dalawa dahil single naman ang 63-year-old na gobernador.
