Kaso ng Influenza-like Illness sa QC lagpas na sa epidemic threshold

SA nakalipas na dalawang linggo o mula August 31 hanggang September 13, 2025 ay nakapagtala na ng 152 na kaso ng Influenza-like Illness o ILI sa Quezon City.

Ito ay mas mataas ng 24.5 percent kumpara sa naunang dalawang linggo o noong August 17 hanggang 30 na May 122 ILI Cases.

Sa District 4 naitala ang pinakamataas na kaso ng ILI na may 78 at ang Barangay Batasan Hills naman ang barangay na may pinakamaraming kaso.

Batay sa datos ng Quezon City Epidemiology and Surveillance Division, simula Enero umabot na sa 1,560 kaso ng ILI ang naiulat sa lungsod at mayroong tatlo ang nasawi.