NAGSALITA na si John Estrada para itanggi ang tsismis na nag-uugnay sa kanya sa aktres na si Barbie Imperial.
Sa kanyang personal Instagram account, sinabi ng aktor na wala siyang ideya kung saan nagsimula ang tsismis, kasabay ng paninindigan na wala siyang relasyon kay Barbie.
Una nang ibinahagi ng iba’t ibang social media accounts ang misinformation, na dahil daw kay John kaya wala na sa teleserye na “Batang Quiapo” ang aktres.
Tinawag ito ng aktor na fake news, kasabay ng pagbibigay diin na hindi niya kilala sa personal na lebel si Barbie, at hindi niya ito kailanman nakausap kahit kapwa sila bahagi sa isang show.
