IDINEKLARA ng lokal na pamahalaan ng Silago, Southern Leyte ang isang buwan na pork holiday sa labing isa mula labinlima nitong barangay bunsod ng presensya ng African Swine Fever (ASF).
Sinabi ni Mayor Lemuel Honor na kailangan nilang protektahan ang hog industry sa kanilang bayan mula sa pamiminsala ng ASF kaya nagdeklara sila ng pork ban na tatagal ng isang buwan.
Sakop ng kautusan ang mga Barangay Katipunan, Imelda, Hingatungan, Salvacion, Laguma, Tuba-on, Tubod, Poblacion District 1, Poblacion District 2, Punatana, at bahagi ng sudmon.
Nakasaad sa executive order na mahigpit na ipinagbabawal ang pagpatay at pagbebenta ng baboy at iba pang pork products mula sa mga naturang barangay na mayroong mga kaso ng ASF.
