IDINEKLARA ng Malakanyang bilang Special Non-Working Day sa Maynila ang araw ng Biyernes, January 9 para sa kapistahan ng mahal na Poong Nazareno.
Sa Proclamation Number 1126 na nilagdaan ni Acting Executive Secretary Ralph Recto ito ay kasunod na rin ng kahilingan ng Manila City Government.
Layunin ng deklarasyon na matiyak na magiging maayos ang daloy ng prusisyon na inaasahang dadaluhan ng maraming deboto.
Ang pagdedeklara ng walang pasok ay makababawas din sa bilang ng mga sasakyan na babaybay sa mga kalsada sa Maynila sa nasabing petsa.
Una nang sinuspinde ng Manila City lgu ang pasok sa lahat ng antas sa mga paaralan sa lungsod sa January 9.
Samantala, magpapatupad ang PNP ng Gun Ban sa Maynila simula Jan. 8 hanggang 10, bilang bahagi ng Full Security Plan para sa pista ng Hesus Nazareno ngayong taon.
