Leyte Storm Surge Protection Wall, 64 percent pa lang na kompleto makalipas ang 9 na taon

MAKALIPAS ang siyam na taong konstruksyon, 64 percent nang kumpleto ang Leyte Tide Embankment Project na dinisenyo para magsilbing harang ng coastal communities mula sa malalaking alon, ayon sa Department of Public Works and Highways.

Aminado si DPWH Eastern Visayas Director Edgar Tabacon na nananatiling hamon ang pagtatayo ng 38.12-Kilometer Storm Surge Protection sa Tacloban City patungong bayan ng Tanauan, labing isang taon matapos manalasa sa rehiyon ang Super Typhoon Yolanda.