Israel, muling umatake sa Lebanon kasunod ng pagkasawi ng halos 500 katao

INANUNSYO ng Israel ang paglulunsad ng bagong air strikes sa mga teritoryo ng Hezbollah sa Lebanon, isang araw matapos masawi ang apatnaraan dalawampu’t siyam katao, kabilang ang tatlumpu’t limang mga bata, sa pinakamadugong pag-atake simula nang mangyari ang digmaan noong 2006.

Nangyari ang pag-atake ng Israel sa Southern Lebanon makaraang sabihin nito na malaking bilang ng mga militante ang namatay nang tamaan ng kanilang mga bomba ang nasa isanlibo animnaraang Hezbollah targets sa buong bansa.