ISA ang patay makaraang bumangga ang minamanehong sasakyan sa naka-park na trailer truck sa Tondo, Maynila.
Nakaparada sa kahabaan ng Mel Lopez Blvd. ang 14-wheeler truck ng bumangga sa likuran nito ang isang Multi-Purpose Vehicle (MPV).
Wasak ang unahang bahagi ng Mitsubishi Xpander Cross na may Plakang NGX 5776.
Inabot ng mahigit 3-oras bago nailabas ang katawan ng biktima mula sa nawasak na sasakyan.
Ayon sa driver ng trailer truck na si Jhomar, nakahinto siya sa bahagi ng center island nang bigla na lamang may bumangga sa kaniyang likuran.
Nasa kostodiya ng MPD Traffic ang driver ng truck para sa imbestigasyon.
