Guilty sa kasong manslaughter ang hatol ng isang Michigan jury sa ina ng teenager na namaril ng apat na kaklase nito sa isang high school malapit sa Detroit.
Ito’y makaraang igiit ng prosecutors na responsable ang babae at ang asawa nito sa krimen, dahil binigyan nila ng baril ang kanilang anak at binalewala ang mga babala na may kinalaman sa karahasan.
Ang trial ni Jennifer Crumbley, kwarenta’y singko anyos, ay pinaniniwalaang unang beses na haharap ang isang magulang sa kasong manslaughter sa US na nag-ugat sa pamamaril ng anak.
Nahaharap siya sa apat na counts ng involuntary manslaughter, na nangyari sa Oxford High School noong 2021.
