Ilan sa inarestong Chinese Spies, matagal nang naninirahan sa Pilipinas, ayon sa Bureau of Immigration

IKINABAHALA ng isang national security expert ang pagkaka-aresto ng umano’y Chinese Spies sa bansa, kasabay ng pagbibigay diin sa posibleng banta ng foreign intelligence operations na ang target ay mga sensitibong military information.

Ipinaliwanag ni Prof. Renato De Castro ng International Studies ng De La Salle University, na ang espionage ay hindi lamang basta pangangalap ng impormasyon.

Ang mga inarestong indibidwal ay nangongolekta umano ng mga impormasyon na may kaugnayan sa mga kampo militar at Enhanced Defense Cooperation Agreement (EDCA) sites sa bansa.