House panel, tatapusin na ang kanilang imbestigasyon sa Confidential Funds ng OVP at DepEd ngayong Lunes

TATAPUSIN na ng House Committee on Good Government and Public Accountability ang kanilang imbestigasyon sa paggamit ng Confidential Funds ng opisina ni Vice President Sara Duterte.

Ipinaliwanag ni Manila 3rd District Rep. Joel Chua, chairman ng komite, na ang pagtatapos ng kanilang pagsisiyasat ay magbibigay-daan sa AFP para makapagsagawa sila ng imbestigasyon sa dalawang military officers na umano’y tumanggap ng bahagi ng confidential funds mula sa Office of the Vice President.