PINAULANAN ng rockets ng Hezbollah ang Haifa na ikatlo sa pinakamalaking lungsod sa Israel, na nagresulta sa pagkakasugat ng sampung katao.
Sinabi ng Hezbollah na tinarget nila ang military base sa katimugan ng Haifa sa pamamagitan ng bugso ng “Fadi 1” Missiles.
Sa media report, dalawang rockets ang tumama sa Haifa sa Mediterranean Coast ng Israel at limang iba pa ang tumama sa Tiberia sa layong 65 kilometers o 40 miles.
Ayon sa mga pulis, ilang mga gusali at ari-arian ang napinsala, habang mayroong ilang reports ng minor injuries, kabilang ang ilan na isinugod sa kalapit na ospital.
