NANALO ang “Hello, Love, Again” na pinagbibidahan nina Alden Richards at Kathryn Bernardo ng Box Office Hit Award sa 2025 Manila International Film Festival sa Los Angeles, California.
Sa instagram post, sina GMA Pictures President, Atty. Anette Gozon-Valdes at ABS-CBN Films Head Kris Gazmen ang tumanggap ng award.
Sinabi ng GMA Pictures na nakamit ng pelikula ang prestihiyosong pagkilala mula sa MIFF makaraang tumabo ng 1.6 billion pesos na gross sales.
Hawak ng “Hello, Love, Again” ang highest-grossing Filipino film of all time.
Sequel ito ng 2019 blockbuster film na “Hello, Love, Goodbye,” na kinunan sa Canada, limang taon matapos maghiwalay ang karakter nina Joy at Ethan sa Hong Kong.
