Hearing ng ICI sa Flood Control Scandal, mapapanood na sa Livestream simula sa susunod na Linggo

INANUNSYO ng Independent Commission for Infrastructure (ICI) na mapapanood na sa Livestream ang kanilang imbestigasyon sa Flood Control Anomalies simula sa susunod na Linggo.

Ginawa ni ICI Chairman Andres Reyes Jr. ang anunsyo sa Organizational Meeting ng Senate Committee on Justice and Human Rights, para talakayin ang Senate Bill No. 1215, na naglalayong lumikha ng Independent People’s Commission (IPC) na mag-iimbestiga sa mga anomalya sa lahat ng Government Infrastructure Projects.