15 February 2025
Calbayog City
National

Halos 7000 magsasaka sa Davao, nakalaya na sa utang matapos pagkalooban ng Certificates of Condonation ni Pangulong Marcos

AABOT sa halos 7,000 magsasaka sa Davao region ang nakalaya na sa utang.

Ito ay matapos pagkalooban ni Pangulong Ferdinand “Bongbong” Marcos Jr. ng Certificates of Condonation with Release of Mortgage (CoCRoMs) ang mga magsasaka na nagkakahalaga ng P527 milyon.

Nabatid na nasa 9,058 CoCRoMs ang ipinamahagi ni Pangulong Marcos sa 6,951 agrarian reform beneficiaries.

Kasama sa condonation ang mga hindi nabayarang principal amortizations, interest at surcharges ng mga lupang isinangla sa ilalim ng Comprehensive Agrarian Reform Program.

Kabilang sa mga nakatanggap ng CoCRoMS ang mga magsasaka mula sa Davao De Oro, Davao Del Norte, at Davao Oriental.

Tatapusin ni Pangulong Marcos ang pamamahagi ng condonation sa probinsya gaya ng sa Davao Del Sur, Davao Occidental, at Davao City bago matapos ang taong ito.

Namahagi rin si Pangulong Marcos ng 672 electronic titles (E-titles) sa 465 ARBs mula sa mga probinsya ng Davao del Norte at Davao del Sur kung saan saklaw nito ang 467 ektarya pati na ang 144 Certificates of Land Ownership Award (CLOAs) sa 142 ARBs sa Davao City.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.