Halos P35M na halaga ng iligal na droga at armas, nakumpiska sa mga operasyon sa E. visayas sa buwan ng Abril

AABOT sa 1,107 ang naaresto, habang 34.9 million pesos ang halaga ng mga nakumpiskang iligal na droga, armas, at iba pang kontrabado sa nagdaang buwan ng Abril sa Eastern Visayas.

Ayon sa Police Regional Office (PRO-8), nagsagawa sila ng 956 operations noong nakaraang buwan, target ang iba’t ibang uri ng krimen, at anti-drug campaign na nagresulta ng highest-value confiscations.

Aabot sa 2,884.8 grams ng shabu at mahigit isang kilo ng marijuana na nagkakahalaga ng 19.7 million pesos ang nasamsam, at nagresulta sa pagkakadakip ng 82 individuals sa 72 operations.

Tiniyak naman ni PRO-8 Regional Director Brig. Gen. Jason Capoy na ipagpapatuloy nila ang intelligence-driven operations at mahigpit na makikipagtulungan sa kanilang mga partner agencies upang masiguro na mawawalan ng puwang ang illegal drugs sa Eastern Visayas.