MATAGUMPAY ang isinagawang paglilipat sa apatnapu’t walong Persons Deprived of Liberty (PDLs) mula sa New Bilibid Prison (NBP) sa Muntinlupa City patungong Leyte Regional Prison sa Abuyog, Leyte nitong weekend.
Ayon kay Bureau of Corrections (BuCor) Director General Gregorio Pio Catapang Jr., dalawampu’t tatlo mula sa apatnapu’t walong PDLs ang galing sa maximum security habang ang iba ay mula sa medium security.
Ang paglilipat ay bahagi aniya ng decongestion effort sa Bilibid.