LABINSIYAM ang patay habang anim na iba pa ang nasugatan nang maaksidente ang isang pampasaherong bus sa highway, sa Zacatecas State, sa Mexico.
Sa inisyal na pagsisiyasat, sumalpok ang bus sa likurang bahagi ng kumalas na traktora na may kargang mais.
Patungo ang bus sa Ciudad Jaurez, isang lungsod sa US-Mexico Border sa Chihuahua State nang mangyari ang aksidente.
Nagsanib pwersa ang rescue teams at security forces, kabilang ang military personnel, sa pagrekober sa mga bangkay na nahulog sa bangin.