PUMANAW na ang American actress na si Michelle Trachtenberg na nakilala sa kanyang mga pagganap sa series, gaya ng “Buffy the Vampire Slayer” at “Gossip Girl” sa edad na 39.
Ayon sa US media outlet, rumesponde ang mga pulis sa isang emergency call at natagpuan nila ang aktres sa kanyang Manhattan apartment na unconscious at unresponsive.
Idineklara ng emergency medical workers na pumanaw si Michelle subalit walang ibinigay na dahilan.
Wala ring tinukoy ang mga awtoridad na may foul play sa insidente.
Ayon sa anonymous sources, sumailalim ang aktres sa liver transplant, kamakailan, at posibleng nakaranas ito ng komplikasyon.
