Matapos ang apat na taong paglalaro para sa Jose Rizal University, pormal nang bubuksan ni JL delos Santos ang bagong kabanata ng kanyang basketball career matapos lumagda sa Converge sa PBA.
Inanunsyo ng Fiberxers (fiber-sers) ang development, subalit hindi naman idinetalye ng koponan ang terms ng kontrata ng rookie playmaker.
Ang pagdating ni delos Santos ay inaasahang magpapalakas sa roster ng converge na naghahabol pa rin ng mailap na panalo sa nagpapatuloy na 2023 PBA Commissioner’s Cup.
Sa kasalukuyan nakaka-limang talo na ang Converge simula nang mag-umpisa ang conference.
