KAHIT nagpapagaling pa mula sa dehydration, itinuloy ni Gary Valenciano ang second night ng kanyang “Pure Energy: One More Time” Concert, noong linggo, sa Araneta Coliseum sa Quezon City.
Matatandaan na maagang natapos ang unang gabi ng concert ni Gary V. noong Biyernes, matapos sumama ang kanyang pakiramdam.
Sinimulan ni Mr. Pure Energy ang kanyang show, noong linggo, sa “Shout For Joy” kung saan ang kanyang entrance ay sa pamamagitan ng pagtalon mula sa isang pit, sa gitna ng stage.
Aksidente namang nadulas si Gary V. sa kanyang entrance at kinailangan niyang i-check ang kanyang sarili, pati na ang mikropono.
Tila hindi naman ito nasaktan, at sinimulan ang kanyang performance na masigla at walang senyales ng sakit o panghihina subalit kalaunan ay humupa rin ang kanyang energy.
