BIBISITA si French President Emmanuel Macron sa Israel, mahigit dalawang linggo makaraang sumiklab ang digmaan sa lugar.
Sinabi ng western leader na pupunta ito para ipakita ang pakiki-isa ng France, at pag-usapan ang pagpapakawala sa mga hostage na hawak ng Hamas sa Gaza.
Binigyang-diin naman ni Macron na hindi dapat madamay ang iba pang karatig-bansa sa tumitinding bakbakan ng Israeli Forces at Hamas, at sa halip, dapat na itaguyod ang kapayapaan o genuine peace process sa lugar.
Nabatid na umabot na sa libu-libong katao ang nasawi, kabilang ang mga inosenteng sibilyan sa walang patid na digmaan sa naturang bansa.