Panibagong shipment ng smuggled vape pens at iba pang mga produkto na nagkakahalaga ng 1.073 billion pesos ang kinumpiska ng mga operatiba ng Customs Intelligence and Investigation Service sa Malabon City.
Ayon kay Customs Commissioner Bienvenido Rubio, nasa dalawampung warehouses sa Barangay Potrero ang tinukoy bilang storage facilities para sa smuggled vape products.
Bukod sa vape products, natagpuan din sa mga sinalakay na warehouses ang mga branded at unbranded na sapatos, hardware supplies, ukay-ukay na damit, kagamitan sa bahay, at iba pang mga produkto.
Una nang nakakumpiska ang Bureau of Customs ng 3.72 billion pesos na halaga ng smuggled vape pens, sa ikinasang raid sa iba’t ibang warehouses sa mga lungsod ng Malabon at Paranaque kamakailan.