MAGDARAGDAG ng flights ang Philippine Airlines sa Borongan City sa Eastern Samar mula sa Cebu City kasunod ng mataas na demand para sa air travel sa lalawigan.
Ayon kay Borongan City Mayor Jose Ivan Dayan Agda, maglulunsad ang PAL ng ikatlong lingguhang flight tuwing Miyerkules para sa Cebu-Borongan Route.
Sinabi ng lokal na pamahalaan na ang bagong flight ay karagdagan sa umiiral na Monday and Friday schedule, na ang expansion ay nakatakdang simulan bago matapos ang Setyembre.
