PATAY ang isang Faith Healer matapos saksakin ng kanyang pasyente sa Lapinig, Northern Samar.
Kinilala lamang ang biktima sa alyas “Efren,” kwarenta anyos, residente ng Barangay Bagacay.
Sa report ng Lapinig Municipal Police Station, nagtungo sa bahay ng biktima ang suspek na kinilalang si “Ambie,” trenta anyos para magpagamot.
Gayunman, bigla umanong sinuntok ng suspek ang Faith Healer saka sinaksak ng patalim na tinatawag na “depang.”
Tumakas si Ambie matapos din nitong saksakin sa likod at balikat ang isa pang biktima na pinsan ng Faith Healer.
Sumuko na sa mga awtoridad ang suspek na nahaharap ngayon sa mga kasong Murder at Frustrated Murder.
