Nakipagpulong si Samar First District Rep. Jimboy Tan sa mga opisyal ng Bureau of Jail Management and Penology (BJMP), sa pangunguna nina Regional Director Jail Chief Supt. Delvic Oreiro at Jail Supt. Inspector Benedicto Ramirez Jr.
Tinalakay nila sa pulong ang pagpapatatag ng justice system, pati na ang pagpapaigting ng seguridad sa komunidad.
Pinag-usapan din ang iba’t ibang paksa, gaya ng pagsasaayos ng mga kulungan, implementasyon ng epektibong rehabilitation programs, at pagsusulong sa kapakanan ng inmates.
Layunin nito na makahanap ng mga makabagong solusyon sa mga kinakaharap na problema ng BJMP at matiyak na maayos na gumagana ang justice system.
