3 suspek na nag-iwan ng P61-M na halaga ng shabu sa Allen Port, timbog sa operasyon ng mga awtoridad

NASAKOTE ng mga awtoridad ang tatlong suspek na nag-abandona sa isang maleta na naglalaman ng P61 million na halaga ng shabu sa Dapdap Port sa bayan ng Allen sa Northern Samar.

Ayon sa Northern Samar Police Provincial Office, matapos matukoy sa CCTV footage ang L-300 Van na nag-iwan sa maleta, ay agad nagkasa ng operasyon ang mga pulis, at naharang ang sasakyan sa checkpoint sa San Juanico Bridge sa Sta. Rita, Samar.

Dinakip ang driver na trenta’y dos anyos na residente ng Taguig City, gayundin ang dalawang pasahero na kinabibilangan ng bente sais anyos na taga-Cotabato City at bente-kwatro anyos na taga-Maguindanao.

Nabatid na ang mga suspek ay galing sa Bicutan, sa Taguig at patungong Cotabato City.