TATLONG dayuhan ang dinakip ng Bureau of Immigration (BI) noong Valentine’s day, kasunod ng report mula sa Presidential Anti-Organized Crime Commission (PAOCC) na sangkot ang mga ito sa illegal online gambling.
Sinabi ni BI Intelligence Division Chief Fortunato Manahan Jr., na tatlong chinese nationals ang nasakote sa barangay Milagrosa sa Calamba, Laguna.
Sa natanggap na report mula sa PAOCC, ang tatlo ay nagsasagawa ng online gambling at sangkot din sa prostitusyon.
Nang suriin ng mga awtoridad, nadiskubre na dalawa sa mga suspek ay Tourist Visa lamang ang hawak habang ang isa ay mayroong working visa para sa isang kumpanya na naka-base sa Makati.
