SINIMULAN ni Filipino Pole Vaulter EJ Obiena ang kanyang abalang linggo sa European Circuit sa pang-limang pwesto sa fbk GAMES sa The Netherlands.
Na-clear ni Obiena ang 5.66 meters, kapareho ng naitalang height nina Keaton Daniel ng America at Tao Zhong ng China.
Gayunman, nakuha ng Pinoy olympian ang ika-limang pwesto sa pamamagitan ng countback, dahil naka-dalawang attempts ito bago natawid ang 5.66 meters.
Ito ang unang kompetisyon ni Obiena mula nang matagumpay nitong madepensahan ang kanyang titulo sa Asian Championships noong nakaraang linggo.
