Iprinisinta ng Eastern Visayas Regional Development Council ang apat na mahahalagang proyekto sa pulong kasama si pangulong Ferdinand Marcos Jr. kamakailan para mapabilang sa 2025 o 2026 funding.
Ang tatlong proyekto para sa 2025 funding na iprinisinta ni RDC Chairperson, Ormoc City Mayor Lucy Torres-Gomez, ay kinabibilangan ng Tuna Development Program ng Bureau of Fisheries and Aquatic Resources; basic education facilities ng Department of Education; at pagkumpleto sa road heightening and tide embankment project ng Department of Public Works and Highways.
Bagaman subject pa sa feasibility study at target maipatupad ng Department of Transportation sa 2026, iprinisinta rin ni Torres ang panukalang Eastern Visayas Railway System bilang isa sa mga prayoridad ng rehiyon.
