TARGET ng Department of Public Works and Highways (DPWH) Regional Office sa Eastern Visayas na ibalik ang 33-ton load capacity sa San Juanico Bridge bago matapos ang 2025.
Nakapaloob sa Revised Plan, na inilatag ng consultant na Angel Lazaro & Associates International, ang funding at resources, Pre-Construction Timeline, at Five-Month Civil Works Target, alinsunod sa direktiba ni DPWH Secretary Manuel Bonoan.
Inihayag ng DPWH na sa pamamagitan ng pagbabalik sa 33 tons na Load Limit ay makadaraan na ang malalaking SUV, pampasaherong bus, commercial vehicles, at trucks na kasalukuyang hindi pinatatawid bunsod ng 3-Ton Weight Limit sa San Juanico Bridge.
Ang 33-Ton Load Limit ay tatlong beses na mas higit sa 10 to 12 tons na target para sa limang buwan na time frame na itinakda noong May 30 meeting ng DPWH at ng consultant.
