LUMAGDA ang Department of Transportation (DOTR) at Local Government Units ng Northern Samar ng Memorandum of Agreement (MOA) para sa konstruksyon ng tatlong ports sa lalawigan.
Sinabi ni DOTr Undersecretary for Maritime Elmer Sarmiento na layunin ng pagpapatupad ng port projects sa Northern Samar na mapaunlad ang regional economy, pati na ang maritime transportation.
Nais din aniya nilang ilapit ang mga komunidad, gaya ng Mapanas at iba pang mga munisipalidad sa Northern Samar sa mas malalaking island economies para sa kanilang economic growth.
Ang MOA ay nilagdaan ng DOTR, Northern Samar Governor Edwin Ongchuan, at Mapanas Mayor Ronn Michael Tejano.
Naglaan ang DOTr ng tig-25 million pesos para sa konstruksyon ng port sa San Jose at sa Wharves ng Allen at Mapanas.
