NAKAPAGTALA ang Department of Health (DOH) ng apat na Fireworks-Related Injuries (FWRI) sa Eastern Visayas, kabilang ang tatlong batang lalaki, sa loob ng isang linggong pagmo-monitor ng ahensya.
Ang mga biktima ay kinabibilangan ng walong taong gulang mula sa Palo, Leyte; anim na taong gulang mula sa Taft, Eastern Samar; bente kwatro anyos na lalaki mula sa Borongan City, sa Eastern Samar.
Nagtamo sila ng head at eye injuries makaraang sindihan ang “lantaka” o “boga”.
Ang ika-apat naman na biktima ay isang labing isang taong gulang na lalaki mula sa Paranas, Samar na nagtamo ng sugat sa kamay makaraang magpaputok ng 5-star na isa mga ipinagbabawal ng pamahalaan.
