INARESTO ang isang Russian Deputy Defense Minister makaraang tumanggap umano ng suhol, sa itinuturing na highest-profile corruption scandal sa Russia mula nang ilunsad ni President Vladimir Putin ang pagsalakay Ukraine mahigit dalawang taon na ang nakalipas.
Ayon sa Russian State Media na Tass, si Timur Ivanov ay inakusahang tumanggap ng suhol na 1 million rubles o tinatayang 10,800 dollars, mula sa isang organized group habang nasa ilalim ng contracted work para sa Defense Ministry.
Sakaling ma-convict, mahaharap ang Deputy Defense Minister sa labinlimang taong pagkakabilanggo.
