DepEd, nanawagan na huwag gamitin ang mga paaralan bilang Evacuation Centers sa harap ng banta ng La Niña

HINILING ng Department of Education (DepEd) sa Local Government Units sa buong bansa na iwasang gawing evacuation centers ang mga paaralan sa nalalapit na tag-ulan dahil magreresulta ito sa pagkagambala sa pag-aaral ng mga estudyante.

Sinabi ni DepEd Spokesperson Undersecretary Michael Poa na binanggit na nila ito sa pinakahuling pulong kasama ang National Disaster Risk Reduction and Management Council (NDRRMC).