Gintatalinguha san Department of Education o’ DepEd nga madugangan an ihap san mga non-teaching personnel nga makakabulig pag-iban san administrative tasks san mga public school teachers.
Durante san Kapihan sa Bagong Pilipinas, iginpahayag ni DepEd Regional Director Evelyn Fetalvero nga tanan san 842 nga Administrative Office II positions sa Region 8 in nabutangan na kundi ine in diri pa eksakto nga mapun-an an masobra kwatro mil nga mga pampubliko nga eskwelahan.
Igindugang pa ni Director Fetalvero nga kinahanglan igpatuman an Department Order nagmamandu nga tanggalon sa mga teachers an mga administrative tasks ngan mag-focus sa ira pagtutdo.
Samtang, iginsumat ni Director Fetalvero nga depende la liwat kun pira an iginhahatag nga posisyon sa Region 8 mahitungod nga kada tuig may-ada la 5,000 an gin-gahin an DepEd sa bug-os nga nasud.
Maoobserbaran nga damo an mga teachers an nareklamo mahitungod san tambak nga mga administrative tasks sa luyo nga ine diri na ira trabahoon.