13 February 2025
Calbayog City
Overseas

Death Toll sa wildfires sa Los Angeles, umakyat na sa 24

LUMOBO na sa dalawampu’t apat ang bilang ng mga nasawi sa sumiklab na wildfires sa Los Angeles, California.

Ayon sa County of Los Angeles Medical Examiner, walo sa mga nasawi ay mula sa Palisades Fire at labing anim mula sa Eaton Fire.

Ang Palisades Fire na sa kasalukuyan ay ang pinakamalaking active wildfire sa Los Angeles area, ay nagdulot ng pinsala sa mahigit 23,700 acres at tumupok sa mahigit limanlibo tatlundaang structure simula noong nakaraang Martes.

Samantala, mahigit 14,100 acres naman ang nilamon ng apoy sa Eaton na malapit sa Altadena at Pasadena.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).