UMAKYAT na sa labindalawa ang bilang ng mga nasawi sa pananalasa ng Bagyong Enteng, ayon sa Office of Civil Defense.
Sinabi ni OCD Spokesperson Edgar Posadas na karamihan sa mga nasawi ay nalunod.
Kabilang aniya sa mga biktima ay isang indibidwal na dumanas ng head trauma makaraang mabagsakan ng gumuhong pader.
Una nang napaulat ang pagkasawi ng isang buntis, lalaking nakuryente sa baha, at isang sanggol na nalunod habang binabayo ng Bagyong Enteng ang bansa.
Iniulat din ni posadas na nasa 62,959 families o 240,000 individuals ang naapektuhan ng kalamidad.
