PINALAGAN ni Davao City Mayor Sebastian “Baste” Duterte ang pagsibak sa tatlumpu’t limang Davao Police Personnel mula sa kani-kanilang pwesto bunsod ng umano’y Drug-Related Killings.
Kabilang sa mga ni-relieve ay si Davao City Police Chief, Police Colonel Richard Bad-Ang na isinailalim din sa administrative suspension.
Sinabi ng Police Regional Office-Davao na sinuspinde si Bad-Ang upang hindi nito maimpluwensyahan ang isinasagawang imbestigasyon.
Sa statement na naka-post sa kanyang official facebook page, sinabi ni Duterte na tinututulan niya ang anumang hakbang na magpapahina sa pinaghirapang buuing tiwala sa pagitan ng kanilang komunidad at law enforcement.
Nabatid na si Bad-Ang ay inalis sa pwesto upang bigyang daan ang imbestigasyon ng Regional Internal Affairs Service-Davao hinggil sa umano’y drug-related killings noong Marso.