SUGATAN sa pamamaril si dating US President Donald Trump sa gitna ng kanyang campaign rally sa Butler Pennsylvania.
Tinamaan sa kanang tenga si Trump habang nasawi naman ang suspek at isang sibilyan.
Ayon sa secret service, mayroon ding dalawang dumalo sa rally na nasugatan sa insidente.
Iniimbestigahan na umano ang pamamaril bilang assassination attempt.
Magsisimula pa lamang magsalita ang pitumpu’t walong taong gulang na si Trump nang marinig ang mga putok ng baril at napahawak sa kanyang tenga ang dating US President.
Kahit duguan ang kamay at mukha ay itinaas pa ni Trump ang kamao bago umalis sa lugar.
